Што е љубов?

Од 0 до 10, колку се согласуваш со претходниот цитат?

Како ти ја дефинираш љубовта?

Дали е фер да претпоставиме дека е тешко да се најде вистинска љубов?

Без разлика како одговори на претходното прашање, ќе може ли да објасниш зошто?

Во модерните општества луѓето имаат слобода да менуваат партнери. Според истражување, државата со наjголем процент на разводи во 2017 година е Луксембург со 87%, а со наjмал е Индија со 1%.
* Види ги линковите подолу во врска со овие и слични интересни истражувања и статистики.

Што подразбираш под успешна врска/брак? 

Колкав дел од луѓeто кои ги познаваш имаат успешна (љубов) врска/брак?

Кој е твојот капацитет во давање на вистинска љубов кон луѓето околу тебе?

Љубов е да се движиме кон другата личност за да постигнеме подлабока и значајна врска. Крајната цел на совршената љубов е совршено единство. Кога има длабока и значајна врска постои исполнување, радост, мир, сигурност и надеж за иднината. Значи, радоста, мирот, сигурноста и другите вакви квалитети се резултати на љубовта. Ако сакаме да се движиме кон другата личност, кон подлабока поврзаност, тогаш ќе треба да се отстранат пречките, како на пример: гордоста, непростувањето, себичноста, лажењето, итн. А ќе треба да се изградат мостовите, како на пример: високо ниво на доверба, зборување на вистината, пожртвуваност за доброто на другиот, понизност, барање на прошка и простување, итн. Ова е екстремно тешко! Господ нека ни помогне. Тешко е бидејќи бара посветеност, личен емоционален и духовен растеж т.е. крактерната зрелост. А знаеме дека сето ова фаќа долго време. Никој не може да го постигне ова без Божјата помош. Тоа ќе го истражуваме малку повеќе во вториот дел од оваа тема, кога ќе разгледаме една многу интересна животна приказна од Библијата.

Дополнителен ресурс: ја препорачуваме книгата од Гери Чепман, „Петте јазици на љубовта“. Можете да ја купите во македонско издание во Издавачки центар Три. Една од главните поенти во книгата е дека ние имаме тенденција начинот на кој ја примаме љубовта (преку физички допир, зборови на афирмација/охрабрување, поклони, квалитетно поминато време или дела на служење) така и да ја даваме. Но прашањето е дали тоа е љубовниот јазика на другата особа и дали таа ја прима љубовта која ние сакаме да ја дадеме? 

*Ова е статија на тема „Зошто е веројатно вторите и третите бракови да бидат неуспешни?“ – https://www.psychologytoday.com/us/blog/the-intelligent-divorce/201202/the-high-failure-rate-second-and-third-marriages

Овде види статистики за Европа во однос на склучување на бракови и разводи:
https://ec.europa.eu/eurostat/statistics-explained/index.php?title=Marriage_and_divorce_statistics

Имаш ли некој друг коментар или нешто да додадеш во врска со темава?