Првите Исусови ученици

³⁵А на другиот ден, пак, стоеше Јован и двајца од неговите ученици. ³⁶И штом Го виде Исуса како оди, рече: „Еве Го Јагнето Божјо!“ ³⁷Кога ги чуја од него тие зборови, обата ученика отидоа по Исуса. ³⁸А Исус, кога се сврте и виде дека одат по Него, им рече: „Што барате?“ Тие Му одговорија: „Рави, што значи – Учителе, каде живееш?“ ³⁹Им рече: „Дојдете и видете!“ Тие отидоа и видоа каде живее и останаа тој ден кај Него. Беше околу десеттиот час.^[a] 40А еден од двајцата, што беа чуле за Исус и беа тргнале по Него, беше Ан­дреј братот на Симон Петар. ⁴¹Тој прво го најде брата си Симона и му рече: „Го најдовме Месијата^[b], што значи: Христос.“ ⁴²И го одведе кај Исуса. А Исус го погледна и му рече: „Ти си Симон, си­нот на Јона; ти ќе се наречеш Кифа, што значи: Петар^[c].“