Исус и Јован

²²Потоа дојде Исус со учениците Свои во земјата Јудејска, и таму живе­еше со нив и крштеваше. ²³А Јован крштеваше во Енон, близу Салим, зашто таму имаше многу вода; и доаѓаа и се крштеваа, ²⁴зашто Јован уште не беше фрлен во затвор. ²⁵Тогаш настана расправија меѓу учениците Јованови и Јудејците околу очистувањето. ²⁶И дојдоа кај Јован и му рекоа: „Ра­ви, Оној што беше со тебе од другата страна на Јордан и за Кого ти сведочеше, ете, Тој крш­те­ва и сите одат кај Него.“ ²⁷А Јован одговори и рече: „Не може човек ништо да прими, ако не му е дадено од небото. ²⁸Вие самите ми сведочите дека реков: ‚Јас не сум Христос, но сум ис­пратен пред Него.‘ ²⁹Оној што ја има невестата е мла­до­женец; а пријателот на младоженецот, кој стои и го слуша, многу се радува на гласот од младоженецот. Оваа моја ра­дост се исполни. ³⁰Тој треба да расте, а јас да се смалувам!“

Прашање за размислување: Како треба да го живееме, за нашиот живот да го прославува и воздигнува Христос, а нашето его да се смалува?