Исус го очистува храмот

¹³Се приближуваше Пасха јудејска и Исус се искачи во Еру­са­лим; ¹⁴и ги затече во храмот оние што продаваа волови, овци и гулаби, и менувачите на пари – како седат. ¹⁵И откако направи камшик од врвци, ги избрка од храмот сите, и овците и воло­вите; а на менувачите им ги растури па­рите и ги испреврте масите, ¹⁶па им рече на оние што продаваа гулаби: „Носете го тоа одовде, и од до­мот на Мојот Отец немојте да правите дом за трговија!“ ¹⁷Учениците, пак, Негови тогаш се сетија дека е напишано: „Ревноста за Твојот дом Ме изеде.“ ¹⁸А Јудејците, пак, одговорија и Му рекоа: „Со каков знак ќе ни докажеш дека го правиш тоа?“ ¹⁹Исус им одговори и рече: „Ур­не­те го овој храм и за три дни ќе го подигнам.“ ²⁰А Јудејците рекоа: „Овој храм е граден четириесет и шест години, а Ти за три дни ли ќе го подигнеш?“ ²¹Но Тој говореше за храмот на Сво­ето тело. ²²А кога воскресна од мртвите, се се­тија учениците Негови дека за ова беше говорел, и поверуваа на Писмото и на зборот, што го беше рекол Исус.

Прашање за размислување: Како би изреагирал Исус доколку го посети твојот духовен живот?