Помазанието на Исус во Витанија

¹На шест дни пред Пасха дојде Исус во Витанија, каде што бе­ше умрениот Лазар, кого го воскресна од мртвите. ²Таму Му приготвија вечера и Марта послужуваше, а Лазар беше еден од оние што седеа со Него на трпезата. ³А Марија, откако зеде литар чисто скапоце­но миро, ги помаза нозете Ису­сови и ги избриша со косата своја нозе­те Негови; а куќата се исполни со мирис од мирото. ⁴Еден од учениците Негови, Јуда Си­монов Искариотски, кој сакаше да Го пре­даде, рече: ⁵„Зошто не се продаде ова миро за триста денарии, и тоа да се раздадеше на сиромаси?“ ⁶Ова тој го рече не дека се грижеше за сиромасите, туку зашто беше крадец. Тој го чуваше ковчежето и крадеше од она што пуштаа во него. ⁷А Исус рече: „Оставете ја! Таа го за­пази тоа за денот на Мојот погреб; ⁸зашто сиромасите ги имате секогаш покрај себе, а Мене Ме немате секогаш.“

Заговор и против Лазар

⁹Мнозина од Јудејците разбраа дека Исус е таму, па дојдоа не само заради Исус, туку да го видат и Лазар, кого Тој го воскресна од мртвите. ¹⁰А првосвештениците се договорија да го убијат и Лазар, ¹¹зашто мнозина од Јудејците доаѓаа поради него и веруваа во Исуса.