Зборови за вечен живот

⁶⁰Тогаш мнозина од учениците Него­ви, откако го слушнаа тоа, рекоа: „Тешки се овие зборови! Кој може да ги слуша!?“ ⁶¹А Исус, знаејќи во Себе дека уче­ни­ците Негови негодуваат заради тоа, им ре­че: „Зар ова ве соблазнува? ⁶²А што ако Го видите Синот Чо­веч­ки како се вознесува горе, каде што бил порано? ⁶³Духот е тој што оживува; телото ништо не ползува. Зборовите што ви ги кажав се дух и живот. ⁶⁴Но има меѓу вас и некои што не ве­руваат.“ Исус знаеше од почеток кои се тие што не веруваат и кој е тој што ќе го предаде. ⁶⁵И рече: „Затоа ви зборувам дека никој не може да дојде кај Мене, ако не му биде дадено од Мојот Отец.“ ⁶⁶Од тоа време мнозина од Неговите ученици се повлекоа и не одеа веќе со Него. ⁶⁷Тогаш им рече Исус на дванаесет­мината: „Да не сакате и вие да си отидете?“ ⁶⁸А Симон Петар Му одговори: „Гос­поди, кај кого ќе отидеме? Ти имаш збо­рови за вечен живот, ⁶⁹и ние поверувавме и познавме дека си Ти Христос, Син на живиот Бог.“ ⁷⁰Исус им одговори: „Не ли ве избрав дванаесетмина? Но еден од вас е ѓа­вол¹.“ ⁷¹А зборуваше за Јуда Симонов Ис­ка­риотски, зашто тој, иако еден од двана­есетмината, сакаше да Го предаде.

¹ 6,70. Грчкиот збор диаволос, од кој произлегува зборот ѓавол, примарно значи клеветник.