Љубовна приказна од Библијата

Прочитај Рута 1: 1-14

Зошто мислиш дека Орфа одлучила да остане во нејзината земја?

Кои ризици Рута ги преземала со тоа што сакала да ја напушти својата земја за да оди со Ноемина во туѓа земја?

Прочитај Рута 2:1-7.

Рута покажала издржан карактер со тоа што одлучила да биде со нејзината свекрва – тоа значело да ја напушти својата земја! Кои карактерни особини ги покажува Рута во овој текст?

Прочитај Рута 2:8-13  

Кои работи ги воочил Вооз за Рута?

Прочитај Рута 2:14-23

Како реагираше Ноемина кога ја слушна веста од Рута? Од 0 до 5, одговори колку Рута веруваше во искрените намери на Вооз?

*Забелешка: Во стих 20, Ноемина го нарекува Вооз „човек од нашиот род“ (близок роднина кој е Откупител или Заштитник). Во тоа време во Израелското општество овој термин имал правно значење – обврска роднината да го заштити или откупи својот близок кој е во сериозна невоља. Ова значи и да се помогне во продолжување на лозата на роднината којшто е во невоља. 

Скокаме нанапред во приказната. Рута ги следи инструкциите на Ноемина и бара од Вооз да биде нејзин Заштитник/Откупител (3:1-9). Вооз е толку импресиониран од нејзиниот карактер и се согласува да направи сѐ што може за да и го исполни барањето (3:10-13). Вооз успева, ја откупува Рута и тие се венчаваат (4:1-12)!

Дали некој сака да погодува што станал пра-пра-правнукот на Рута? Прочитај Рута 4:13-17 . Давид е најпознатиот цар на Израел, таткото на Соломон.

Ќе завршиме со овие три прашања за да извлечеме важни заклучоци:

1. Во Рута 2:3, текстот вели дека нивата на која Рута собирала „се покажа дека“ е на Вооз. Кого жените го сметаа заслужен за оваа „случајност“?
2. Во 1:16, Рута го кажува следното на Ноемина: „Твојот народ ќе биде мој народ и твојот Бог – мој Бог“. Како посветеноста на Рута на Бог и помогна (уште во почетокот на сторијата) да најде вистинска љубов на крајот?
3. Што можеме да научиме од сторијата за Рута во врска со нашиот копнеж за наоѓање на вистинска љубов?

Во последниот, трет, дел од оваа тема накратко ќе допреме и до Новиот Завет од Библијата (животот на Исус и раната црква), а ќе размислуваме и за тоа каква практична вредност има сето ова во мојот живот тука и сега.

Помини уште малку време во тишина и во размислување во однос на темава, прашањата и Библиските текстови кои ги прочита. 

**Доколку сакаш да користиш мобилна апликација за читање на Библијата (има неколку преводи на македонски) од твојот телефон тогаш оди на YouVersion. (Да се стави линк за инасталирање на апликацијата.) 

Имаш ли некој друг коментар или нешто да додадеш во врска со темава?