Секој човек копнее по нешто. Некој копнее по романтична љубов, друг по пари, слава, кариера, трет по забава, авантури итн., но сите всушност копнееме по исполнет живот.
Што те исполнува тебе? Дали срцето ти е навистина полно?
Исус Христос нуди многу повеќе од горенаведените работи.
Во оваа кратка презентација, преку 4 точки е објаснето како можеш да дојдеш до исполнетиот живот што го ветува Бог во Библијата.
1. БОГ ТЕ ЉУБИ И ЗА ТВОЈОТ ЖИВОТ ИМА ПРЕКРАСНА ЗАМИСЛА.
Божјата љубов за тебе
„Зашто Бог толку го засака светот што го даде Својот единороден син, за секој кој верува во Него да не загине туку да има вечен живот.“ (ев. Јован 3:16, Библијата)
Божјата замисла
„Зашто Јас ги знам Своите замисли за тоа што имам намера со вас - зборува Господ - замисли за мир, а не за несреќа; да ви дадам иднина и надеж.“ (Еремија 29:11, Библијата)
Исус вели: „Јас дојдов за да имаат живот и да го имаат изобилно." (ев. Јован 10:10, Библијата)
Зошто луѓето не ја искусуваат Божјата љубов и Неговата замисла за нивните животи?
2. ЧОВЕКОТ Е ГРЕШЕН И ОДВОЕН ОД БОГ. ЗАТОА ТОЈ НЕ МОЖЕ ДА ГИ ЗНАЕ И ДОЖИВЕЕ БОЖЈАТА ЉУБОВ И ЗАМИСЛА ЗА СВОЈОТ ЖИВОТ.
„Зашто сите згрешија и лишени се од Божјата слава.“ (Римјаните 3:23, Библијата)
Човекот беше создаден за да има заедништво со Бог, но поради својата тврдоглава себичност, тој избра да живее на свој начин, па заедништвото со Бог беше прекинато. Таа себичност која се карактеризира со активно бунтовништво или со пасивна незаинтересираност, е доказ за она што Библијата го нарекува грев.
Човекот е одвоен од Бог
„Зашто заслуженото за гревот е смрт.“ [Духовна одвоеност од Бог]. (Римјаните 6:23, Библијата)
Оваа илустрација покажува дека Бог е свет, а човекот е грешен. Одвоени се со голема бездна. Стрелките ни илустрираат дека човекот постојано, со сопствени сили, настојува да дојде до Бог и до 100% живот, како на пример со добар живот, филозофија или религија, но сите негови напори се безуспешни.
Значи ова е проблемот: нашиот грев нè одвојува од Бог. Но кое е решението?
3. ИСУС ХРИСТОС Е ЕДИНСТВЕНОТО БОЖЈО РЕШЕНИЕ ЗА ЧОВЕКОВИОТ ГРЕВ. ПРЕКУ НЕГО МОЖЕШ ДА ГИ ПРЕПОЗНАЕШ И ДОЖИВЕЕШ БОЖЈАТА ЉУБОВ И ЗАМИСЛА ЗА ТВОЈОТ ЖИВОТ.
Тој умре наместо нас
„Но Бог ја покажа Својата љубов кон нас со тоа, што Христос умре за нас, додека уште бевме грешници.“ (Римјаните 5:8, Библијата)
Исус воскресна од мртвите
„Христос умре за нашите гревови ... беше погребан и дека воскресна на третиот ден, според Писмата; дека му се јави на Петар, после на Дванаесетте. Потоа им се јави еднаш на повеќе од пет стотини браќа...“ (1 Коринтјаните 15:3-6, Библиајта)
Тој е единствениот пат до Бог
Исус вели: „Јас Сум Патот, и Вистината, и Животот. Никој не доаѓа при Татко Ми, освен преку Мене.“ (ев. Јован 14:6, Библијата)
Ова илустрација ни покажува дека Бог ја премости бездната која нè одвојува од Него со тоа што го испрати Својот Син, Исус Христос да умре на крст наместо нас, за да ја плати казната за нашите гревови.
Не е доволно само да се знаат овие библиски вистини...
4. МОРАМЕ ЛИЧНО ДА ГО ПРИМИМЕ ИСУС ХРИСТОС КАКО ГОСПОД И СПАСИТЕЛ. САМО ТОГАШ ЌЕ МОЖЕМЕ ДА ГИ ПРЕПОЗНАЕМЕ И ДОЖИВЕЕМЕ БОЖЈАТА ЉУБОВ И ЗАМИСЛА ЗА НАШИТЕ ЖИВОТИ.
Мораме да го примиме Христос
„А на сите што го примија им даде право да станат Божји деца - на оние кои веруваат во Неговото име." (ев. Јован 1:12, Библијата)
Ние Христос го примаме преку вера
„Зошто по благодат сте спасени, преку вера, и тоа не е од вас самите - тоа е Божји дар! Не е од делата, за да не се фали никој." (Ефешаните 2:8-9, Библијата)
Христос го примаме преку лична покана
Исус вели:„Еве, стојам пред вратата и чукам: ако некој го чуе мојот глас и ја отвори вратата ќе влезам кај него.“ (Откровение 3:20, Библијата)
Што значи да го примиш Христос?
Свртување од себичност кон Бог (покајание) и доверба во Неговото ветување дека ќе влезе во нашите животи, ќе ни ги прости гревовите и ќе нè направи според Неговата замисла.
Не е доволно само со разумот да разбереме и да се согласиме дека Исус Христос е Божјиот син и дека умрел на крст поради нашите гревови. Не е доволно ни да имаме некое емоционално доживување. Ние Христос го примаме преку вера, како дело на нашата волја.
Кој круг најмногу го опишува твојот моментален живот?
Исус е надвор од мојот живот
S - Јас сум на престолот
† - Исус е надвор од животот
o - Интересите се водени од себичноста, која често води до безредие и фрустрации.
Исус е во мојот живот, но не е на престолот.
S - Јас сум на престолот.
† - Исус е во мојот животот, но моите раце се на воланот. Кон Него се повикувам само спорадично, кога ми е тешко, или на празници.
o - Интересите се водени од себичноста, која често води до безредие и фрустрации.
Исус е на престолот на мојот живот.
† - Христос е во мојот животот и на престолот.
S - Јас сум Му потчинет.
o - Интересите се насочувани од Христос и водат кон согласност со Божјата замисла.
А кој круг би сакал да го претставува твојот живот?
Ако си во првиот или вториот круг, а сакаш да преминеш во 3-от, ти можеш да Го прифатиш Христос како Твој Господ и Спасител уште сега, преку молитва.
Молитвата е разговор со Бог. Бог го познава твоето срце и за Него поважен е ставот на срцето, отколку твоите зборови. Еве предлог како можеш да се молиш:
Предлог молитва
Господе Исусе Христе,
Ми требаш. Јас сум грешен. Те молам прости ми ги моите гревови. Ти благодарам што умре на крстот, ја плати казната за мојот грев и ми прости. Спремен сум со Твоја помош да се одвратам од моите гревови. Ја отварам вратата на моето срце и те примам како мој Господ и Спасител.
Ти благодарам што ми ги прости моите гревови и ми подари вечен живот. Преземи ја контролата на мојот живот и направи ме онаков каков што сакаш да бидам.
Амин.
Дали оваа молитва го изразува копнежот на твоето срце?
Сега откако го прифати Исус, следниве работи се вистина за тебе:
1. Исус влезе во твојот живот. (Откровение 3:20, Колошаните 1:27, Библијата)
2. Твоите гревови се простени. (Колошаните 1:14, Библијата)
3. Доживеа новораѓање. (ев. Јован 3:1-8, Библијата)
4. Ти стана Божјо дете. (ев. Јован 1:12, Библијата)
5. Прими вечен живот. (ев. Јован 5:24, Библијата)
6. За тебе започна нова авантура заради која Бог те создал. (ев. Јован 10:10, 2 Кор. 5:17, 1 Сол. 5:18, Библијата)
Најважен е духовниот растеж
Бебето кое не расте и не се развива, завршува фатално. Исто е и во духовниот живот. Човекот кој искрено поверувал во Исус, Светиот Дух во него/неа зачнува една нова духовна природа која потоа расте. И како што телото има потреба од телесна храна, така духот во нас има потреба од духовна храна. Библијата - Божјиот Збор е нашата духовна храна. Исус Христос ова го кажал и директно:
„Човекот не ќе живее само од леб, туку од секој збор, што излегува од устата на Бога“ (Исус Христос, ев. Матеј 4:4, Библијата)
За таа цел, ние ви нудиме повеќе опции за проучување на Библијата.
Контакт форма
За тестот
Тест за твојот тип на личност преку кој можеш да дознаеш кој си ти и зошто се однесуваш како што се однесуваш, зошто ги правиш работите кои ги правиш и како да ги разбираш другите подобро.
Со овој тест ќе имаш прилика да ги запознаеш своите индикатори за тип на личност ( E/I, N/S, F/T, P/J) кои го креираат твојот тип на личност, карактер и да ги дознаеш своите силни и слаби страни како и некои совети за твоите врски со другите луѓе.
Познавањето на својот тип на личност им помага на луѓето во изборот и напредувањето во кариерата, врските со луѓето, социјалниот и професионалниот живот итн.
